Oja ibaiak Casalarreina ureztatzen du, askotariko eta aparteko paisaia eskainiz.
Casalarreina lautada alubial zabal batean dago. Oja ibaiak ureztatzen du udalerria, eta ibai horrek garrantzi berezia du eskualdearentzat, Autonomia Erkidegoari izena ematen baitio. Ibai horri esker, askotariko paisaia oparoa dago udalerrian: ibaiaren inguruetan, soro landu zabalak, eta ibaiertzean, kontrastean, ur-bazterreko baso berezia, Casalarreinako berdegune garrantzitsuenen kokalekua.
Gure udalerritik bista zoragarriak dauzkagu: eskualdeko paisaia eta baliabide natural berezienetako batzuk. Zaballako Behatokiak Obarenes mendietako, Gembres haitzetako edo Toloño mendiko aparteko bistak eskaintzen dizkigu.
Hortaz, Casalarreinako inguruek Errioxaren berezko paisaiak oparitzen dizkiote bisitariari: soro landu eta mahasti zabalak, ur-bazterreko basoak, etab., gure inguruneko balio natural eta paisajistikoak ezagutzeko diseinatutako ibilbide ugarien bitartez ikus ditzaketenak: Ardoaren Ibilbideak, Bide Berdeak edo Casalarreinako Ondare Naturala.
